ຂຸນກອງແລງ

ຂຸນກອງແລງ ແມ່ນໜຶ່ງໃນສະຖານທີ່ທ່ອງທ່ຽວທາງທຳມະຊາດທີ່ມີຄວາມສວຍງາມ ແລະ ມີມົນສະເໜ່ທີ່ສຸດໃນແຂວງຄຳມ່ວນ. ຕັ້ງຢູ່ໃນເຂດປ່າສະຫງວນແຫ່ງຊາດພູຫີນປູນ, ເມືອງຫີນບູນ, ແຂວງຄຳມ່ວນ. ເປັນອ່າງນ້ຳທຳມະຊາດທີ່ເກີດຈາກສາຍນ້ຳໃຕ້ດິນ ທີ່ໄຫຼອອກມາຈາກພື້ນພູຫີນປູນ.ຕັ້ງຢູ່ບ້ານນາຄື, ເມືອງຫີນບູນ, ແຂວງຄຳມ່ວນ ອອກຈາກຕົວເມືອງທ່າແຂກ ໂດຍໃຊ້ເສັ້ນທາງເລກທີ 13 ໃຕ້ ມຸ່ງໜ້າໄປທາງທິດເໜືອ (ໄປທາງນະຄອນຫຼວງວຽງຈັນ).ຂີ່ໄປປະມານ 30 ກິໂລແມັດ ຈະມີທາງແຍກເບື້ອງຂວາມື (ທາງເຂົ້າບ້ານນາຄື ຫຼື ມີປ້າຍບອກທາງໄປຂຸນກອງແລງ).

ຈາກທາງແຍກ, ເຂົ້າໄປຕາມທາງປູຢາງ  20 ກິໂລແມັດ ກໍຈະຮອດແຫຼ່ງທ່ອງທ່ຽວ.ຕາມຕຳນານເລົ່າຂານກັນມາວ່າ ໃນສະໄໝກ່ອນ, ຊາວບ້ານທີ່ຢູ່ບໍລິເວນນັ້ນມັກຈະໄດ້ຍິນສຽງ "ກອງ" ດັງຂຶ້ນມາຈາກໃຕ້ພື້ນນ້ຳ ຫຼື ຖ້ຳໃນບໍລິເວນນັ້ນ ໃນທຸກໆຍາມແລງ (ໂດຍສະເພາະໃນມື້ວັນສິນ ຫຼື ວັນສຳຄັນທາງສາສະໜາ). ດ້ວຍເຫດນີ້, ຊາວບ້ານຈຶ່ງຂະໜານນາມບ່ອນນີ້ວ່າ "ຂຸນກອງແລງ".

ຂຸນກອງແລງ ເປັນແມ່ເຫຼັກທີ່ສຳຄັນໃນການສ້າງຊື່ສຽງຂອງການຂັບເຄື່ອນເສດຖະກິດ ພ້ອມທັງສົ່ງເສີມອຸດສາຫະກຳການທ່ອງທ່ຽວແບບ Unseen ແລະ Eco-Tourism