ຖ້ຳຝາມື

ຖ້ຳຝາມືຕັ້ງຢູ່ໃນເຂດບ້ານຄູນເງີນ ເມືອງຄູນຄຳ ແຂວງຄຳມ່ວນ ໄລຍະທາງຈາກຕົວເມືອງທ່າແຂກໄປແມ່ນປະມານ 130 ກິໂລແມັດ ໃຊ້ເວລາເດີນທາງປະມານ 2 ຊົ່ວໂມງກວ່າ, ຖ້ຳແຫ່ງນີ້ຕັ້ງຢູ່ໃນເຂດພູຫີນປູນອັນຍິ່ງໃຫຍ່ຂອງແຂວງຄຳມ່ວນ ເຊິ່ງຂຶ້ນຊື່ເລື່ອງຄວາມອຸດົມສົມບູນຂອງຜືນປ່າ ແລະ ລະບົບນິເວດທຳມະຊາດທີ່ຍັງຄົງຄວາມບໍລິສຸດ.ຖ້ຳຝາມື" ຖືເປັນແຫຼ່ງມໍລະດົກທາງບູຮານວິທະຍາທີ່ສຳຄັນ ເນື່ອງຈາກພາຍໃນຖ້ຳຄົ້ນພົບຮ່ອງຮອຍການ ປະທັບຮູບຝາມື ຫລື ສິລະປະຖ້ຳບູຮານ ທີ່ສະແດງເຖິງວິຖີຊີວິດ ແລະ ການຕັ້ງຖິ່ນຖານຂອງມະນຸດໃນຍຸກດຶກດຳບັນ.ຮູບຝາມືເຫຼົ່ານີ້ເຊື່ອວ່າເປັນສັນຍາລັກທາງຄວາມເຊື່ອ, ການສະແດງຕົວຕົນ ຫລື ການບັນທຶກເລື່ອງລາວຂອງຄົນຍຸກບູຮານທີ່ເຄີຍອາໄສ ຫຼື ໃຊ້ຖ້ຳນີ້ເປັນບ່ອນຫຼົບໄພ ແລະ ປະກອບພິທີກຳຕ່າງໆ.ຮູບແຕ້ມ ຫຼື ຮູບພິມຝາມືຝາຖ້ຳ ຖືເປັນງານສິລະປະພື້ນບ້ານຍຸກກ່ອນທີ່ມີຄຸນຄ່າສູງຍິ່ງ ຕໍ່ການສຶກສາຄົ້ນຄວ້າທາງດ້ານປະຫວັດສາດ ແລະ ບູຮານຄະດີ. ຮູບເຄື່ອງຫມາຍສັນຍາລັກ ແລະ ຮູບຊົງຄ້າຍມະນຸດ ປະກອບສ່ວນກັນລວມມີ2ກຸ່ມໃຫ່ຍ ຮອງລົງມາ ແມ່ນຮູບສັດ ແລະ ຮູບຝາມືປະທັບລວດລາຍທັງຫມົດ285ຮູບ. ເປັນສັນຍາລັກຕ່າງໆເທີງຫນ້າຜາ ເຊີ່ງເປັນສິ່ງມະຫັດສະຈັນຄວນແກ່ການອານຸລັກປົກປັກຮັກສາ, ເປັນແຫລ່ງທ່ອງທ່ຽວ ເປັນບ່ອນສຶກສາຄົ້ວາ-ວິໄຈທາງທໍລະນີສາດໃຫ້ທຸກຄົນໄດ້ຮຽນຮູ້ຕະຫລອດໄປ.