ຂໍ້ມູນການເດີນທາງ

ການເດີນທາງ

ການເດີນທາງມາທີ່ ສປປ ລາວ ຫຼື ແຂວງຄຳມ່ວນສາມາດເດີນທາງມາໄດ້ດ້ວຍຫຼາຍວິທີ ເຊັ່ນ: ທາງບົກ, ທາງອາກາດ ແລະ ທາງນ້ຳ.

ເດີນທາງດ້ວຍສາຍການບິນສາກົນ ບິນເຂົ້າສູ່ສະໜາມບິນສາກົນ 3 ແຫ່ງຂອງປະເທດຄື: ນະຄອນຫຼວງວຽງຈັນ, ຫຼວງພະບາງ ແລະ ປາກເຊ (ເຊັ່ນ: ສາຍການບິນສາກົນໄທ , ສາຍການບິນຫວຽດນາມ, ສາຍການບິນລາວ , China Southern ແລະ Bangkok Airways , Air Asia). ຫຼັງຈາກນັ້ນເດີນທາງຕໍ່ ດ້ວຍບໍລິການລົດຂົນສົ່ງໂດຍສານ ພາຍໃນປະເທດ.

ເດີນທາງຈາກປະເທດເພື່ອນບ້ານ ເຊັ່ນ: ໄທ, ຫວຽດນາມ, ກຳປູເຈຍ ແລະ ຈີນ.

ແຂວງຄຳມ່ວນ ມີສະຖານີຂົນສົ່ງໂດຍສານຢູ່ 1 ສະຖານີ ຄື: ສະຖານີລົດໂດຍສານສາຍໃຕ້, ຕັ້ງຢູ່ບ້ານໂພນສະອາດ ຕິດກັບ ເສັ່ນທາງ ເລກທີ່ 13 ໃຕ້, ສາມາດເດີນທາງໄປ-ມາໄດ້ທັງພາກໃຕ້ ແລະ ພາກເໜືອ, ເຊິ່ງສາມາດເດີນທາງໄປຕ່າງແຂວງ ເຊັ່ນ: ນະຄອນຫຼວງວຽງຈັນ, ແຂວງບໍລິຄຳໄຊ, ແຂວງສະວັນນະເຂດ, ສາລະວັນ ແລະ ຈຳປາສັກ;
ນອກຈາກນີ້ ຍັງສາມາດເດີນທາງໄປ-ມາຕ່າງປະເທດໄດ້ ເຊັ່ນ: ປະເທດໄທ (ນະຄອນພະນົມ) ແລະ ຫວຽດນາມ (ແຂວງກວາງບິງ).

ສະຖານີບໍລິການຂົນສົ່ງງໂດຍສານພາຍໃນແຂວງມີຢູ່ 2 ສະຖານີ້ ຄື: ສະຖານີຕະຫຼາດຫຼັກ 3 ແລະ ສະຖານີຕະຫຼາດເພັດມະນີ ຫຼັກ 2

ດ່ານທ່າເຮືອ ລາວ-ໄທ (ທ່າແຂກ-ນະຄອນພະນົມ), ຕັ້ງຢູ່ແຄມແມ່ນໍ້າຂອງ, ບ້ານທ່າແຂກກາງ, ເຊິ່ງເປັນຈຸດຂ້າມແດນລະຫວ່າງ ລາວ-ໄທ ດ້ວຍເຮືອ.