ທ່າຝຣັ່ງວັງສີຄາມແມ່ນວັງນໍ້າໜຶ່ງໃນສາຍນໍ້າໂດນ, ຊຶ່ງນອນຢູ່ໃນເຂດບ້ານສອງຄອນກັບບ້ານທອກ, ຫ່າງຈາກຕົວເມືອງທ່າແຂກປະມານ 18 ກິໂລແມັດ. ທ່າຝຣັ່ງແມ່ນເອີ້ນຕາມຊາວບ້ານມາແຕ່ສະໄໝຝຣັ່ງມາປົກຄອງລາວ, ເພາະວັງນໍ້ານີ້ພວກຝຣັ່ງມັກພາຄອບຄົວ ໄປພັກຜ່ອນ ໃນບໍລິເວນນີ້, ມັນເປັນວັງນໍ້າເລິກ, ບາງບ່ອນກໍ່ມີກ້ອນຫີນພົ້ນຈາກໜ້ານໍ້າທີ່ມີສີຟ້ານັ້ນມາໃຫ້ພວກເຮົາໄດ້ເຫັນ.

ປະຈຸບັນທ່າຝຣັ່ງກາຍເປັນສະຖານທີ່່ສໍາລັບພັກຜ່ອນຍ່ອນໃຈ ແລະ ສ້າງກິດຈະກຳຕ່າງໆເຊັ່ນ: ກິນເຂົ້າປ່າ, ລອຍຫຼິ້ນນໍ້າຂອງປະຊາຊົນຊາວເມືອງທ່າແຂກໂດຍສະ ເພາະແມ່ນມື້ພັກເສົາ-ອາທິດ ແລະ ເທດສະການຕ່າງໆເຊັ່ນ: ປີໃໝ່ລາວ ແລະ ອື່ນໆ.

ທ່າຝຣັ່ງແຫ່ງນີ້ ໄດ້ຮັບຄວາມນິຍົມຊົມຊອບຈາກນັກທ່ອງທ່ຽວທັງພາຍໃນ ແລະ ຕ່າງປະເທດທີ່ແວະມາຢ້ຽມຢາມ ສະຖານທີ່ແຫ່ງນີ້ບໍ່ໄດ້ຂາດສາຍ.