ຖ້ຳພະໜອງປາຝາ

ຖ້ຳພະໜອງປາຝາ ຕັ້ງຢູ່ບ້ານນາຂ້າງຊ້າງ, ເມືອງທ່າແຂກ, ແຂວງຄຳມ່ວນ.ຫ່າງຈາກເທດສະບານເມືອງທ່າແຂກປະມານ 14 - 15 ກິໂລແມັດ .ໄປຕາມເສັ້ນທາງເລກທີ 12, ແລ້ວລ້ຽວເຂົ້າທາງປູຢາງທີ່ມຸ່ງໜ້າສູ່ຖ້ຳ (ມີປ້າຍບອກທາງຈະແຈ້ງ). ຖ້ຳແຫ່ງນີ້ໄດ້ກາຍເປັນທີ່ຮູ້ຈັກໂດ່ງດັງໄປທົ່ວໂລກໃນປີ 2004 ເມື່ອຊາວບ້ານທ້ອງຖິ່ນຄົນໜຶ່ງ ຊື່ວ່າ ລຸງບຸນໜອງ, ໄດ້ປີນຂຶ້ນໄປເທິງໜ້າຜາເພື່ອຊອກຫາໜໍ່ໄມ້ ແລະ ໄດ້ຄົ້ນພົບປາກຖ້ຳທີ່ເຊື່ອງຊ້ອນຢູ່.ພາຍໃນຖ້ຳ, ເພິ່ນໄດ້ພົບເຫັນພຣະພຸດທະຮູບເກົ່າແກ່ທີ່ເຮັດດ້ວຍໄມ້, ຄຳ, ເງິນ ແລະ ທອງສຳລິດ ຈຳນວນ 229 ອົງ, ເຊິ່ງມີອາຍຸຫຼາຍຮ້ອຍປີ (ສັນນິຖານວ່າຢູ່ໃນຍຸກອານາຈັກລ້ານຊ້າງ). ນອກຈາກພຣະພຸດທະຮູບແລ້ວ, ຍັງມີຫີບໃບບົກທີ່ບັນຈຸຄຳສອນທາງສາສະໜາອີກດ້ວຍ. ຊື່ "ໜອງປາຝາ" ແມ່ນມາຈາກໜອງນ້ຳທີ່ຢູ່ທາງໜ້າຖ້ຳ ເຊິ່ງມີປາຝາອາໄສຢູ່ເປັນຈຳນວນຫຼວງຫຼາຍ.